Urban Forum Kazakhstan
БАСТАМАЛАР
2016 және 2017 жылдары Urban Forum Kazakhstan қоры Сорос-Қазақстан Қорының «Жаңа азаматтық бастамалар» бағдарламасымен әріптестік түрінде Алматыда қала жобалары конкурсын жүргізді.

Алғашқы жылы азаматтық белсенділікті арттыруға, қала үдерістерінің ашықтығына және қаланы тұрақты дамытуға жәрдемдесуге бағытталған жобалар іріктелді. 80 өтінімнің арасынан 8 жоба гранттық қолдауға ие болды.

Конкурстың келесі кезеңінде 2017 жылы жаңа критерийлер белгіленді – жобалар Алматының орталық емес аудандарында іске асырылды, жергілікті қоғамдастықтар тартылды және басқа мүдделі тараптармен әріптестік қатынастар орнатылды. 53 өтінімнің арасынан 6 жоба іріктелді.
2016
Сәулеттік сәйкестілікті түгендеу
Қаланың сәулеттік сәйкестілігін зерттеудің қорытындысы – кеңестік дәуірде жасалған оңтүстік астананың ең маңызды 100 ғимаратының каталогы, сондай-ақ «Алматының сәулеттік pop-up мұражайы» көрмесі болды. ArchCode жобасы қоғамның ой-санасы мен дискурста осы тақырыпты дәріптеу үшін маңызды рөл атқара отырып, сәулеттік мұра бағытындағы автивизм вакуумын толтырды.
Көбірек біліңіз
2016
Алакай! Алакай! Музейде Балакай!
Балалар мен жасөспірімдерге арналған 10 қалалық мұражай бойынша интерактвті жолнұсқаны құру жобасы. Жоба мұражай қызметкерлерімен және дизайнерлермен жасалған Баспа материалдары мен бастапқы файлдарды мұражайларға берді, мұражайлар оларды өз бетінше басып шығара алады және жаңарта алады. Сондай-ақ олар біздің сайтта жүктеп алуға қолжетімді. Жоба аясында балалар үшін мұражайларға экскурсиялар жүргізілді.
2016
«Жақсы көруді үйренеміз, үнемдеуді үйренеміз» білім беру эко-жобасы
Жобаның мақсаты – Алматының орталық емес жерлеріндегі мектеп оқушыларының экологиялық сана-сезімін арттыру болды. 2016 жылғы күз мезгілі кезінде шамамен мың оқушы Көк-Жайлау шоқысына барды. Сондай-ақ «Тауда кездесеміз» деректі фильмі шығарылды, онда табиғи ресурстардың құндылығы және тауға барған кезде оларды сақтау ережелері туралы айтылады. Жобаның әріптесі – Жас туристер станциясы болды.
Көбірек біліңіз
2016
Алматы мағыналар бойынша суретті жолнұсқасы
Алматы қаласы туралы тарихы бар әртүрлі әдеби нысандағы туындылар жинағы – көркемдік нарратив пен авторлық суреттемелер арқылы қаланың сәйкестілігі туралы зерттеу болып табылады. Қазіргі заманғы әдебиет пен урбанистиканы үйлестіре отырып, «Мағыналар бойынша нұсқаулық» қаланың мәдени өміріндегі нағыз уақиғаға айналды. 2018 жылы жоба жаңа мәтіндерді іздеу және мәтіндердің аудио-нұсқалары мен бағыттары бар мобильді қосмшаны әзірлеу мақсатында әрі қарай жалғастырылды.
Көбірек біліңіз
2016
AUA жұмыс тобы
Жобаның мақсаты – Алматы ауа бассейнінің ағымдағы экологиялық жағдайын талдау үшін сарапшылық қоғамдастық құру, ауаның сапасымен байланысты жағдайды жақсарту бойынша ұсынымдар мен индикаторларды әзірлеу болды. Өзара әрекеттестік қашықтан және тұрақты кездесулер арқылы жүзеге асты, ал ақпараттық науқанды ілгері жылжыту үшін топтың ресми сайты пайдаланылды.
Көбірек біліңіз
2016
URBAN TALKS
Қаланы жоспарлау және дамыту тақырыптарына арналған тұрақты кездесулер бейресми жағдайдағы сарапшылық пікірсайыстар түрінде, сондай-ақ бей-жай емес қалалықтарға және кәсіби қоғамдастыққа арналған дәрістер мен шеберлік сыныптары түрінде өткізілді. Талқылау тақырыптарының сан-алуандығы қалалық диалогқа тартылған адамдар ауқымын кеңейтуге мүмкіндік берді.
Көбірек біліңіз
2016
Бәріне арналған спорт
SportConcept қоры жоба аясында жергілікті қоғамдастықтармен бірлесе отырып 10 локацияда спорт алаңдарын салды. Сондай-ақ балалардың қаладағы бос уақыт өткізу тақырыбына сауалнама жүргізілді. Сауалнаманың нәтижелері 2016 жылғы тамыз айында ұсынылды және кейіннен мемлекеттік органдармен жұмыс жасауда және жаппай балалар спорты идеясын ілгері жылжытуда құрал ретінде пайдаланылды.
Көбірек біліңіз
2016
City Solutions
Бұл жоба Алматыда Қалалық шешімдер мектебін («Стрелка-Вектор» Мәскеу урбанистикалық институтының дәрістері мен онлайн-курстары топтамасы) іске қосты, сондай-ақ қаланың дамуымен байланысты тақырыптарға бірқатар хакатондар өткізді. Дизайндық ойлау қағидаттарына негізделген хакатон Алматының өзекті мәселелері бойынша ерекше шешімдер жасап шығару мақсатында қалалықтар мен белсенділерді тартты.
Көбірек біліңіз
2017
«Қарасу» жобасы
Экологиялық қоғамдастықты құру және «Қарасу» ықшамауданындағы көл мен өзенді қалпына келтіру. Қоғамның күшімен көлдің жағалауы тазаланып қана қоймай, сонымен қатар жағадағы амфитеатр жобасы іске асырылды және аумақты абаттандырудың бас жобасы әзірленді, бұл – Алматы әкімдігі мен Қоғамдық кеңесінің қолдауына ие болды. Қоғамдастық бұл жоба 2019-2020 жылдарда іске асырылады деп күтуде.
Көбірек біліңіз
2017
Алматының орталық емес аудандарындағы аялдамаларды түгендеу
ҚЖАҚ жастар ұйымы Алматының орталық емес аудандарында қоғамдық көлік аялдамаларының болуына және олардың жағдайына ірі зерттеу жүргізді. Жобамен әзірленген жайлылық және қолданыстағы стандарттарға сәйкестік критерийлері жүйесі бойынша фотоға түсіру және бағалау жүргізілді. Ұсынымдары бар каталог қала әкімдігіне берілді.
Көбірек біліңіз
2017
Жаңа қоғамдық кеңістіктер
Basire Design Group компаниясының сәулетшілері мен сәулет саласындағы жоғары оқу орындарының студенттері тобының жобасы 8 ай жұмыс істеу барысында «Тастақ» ықшамауданының толық сәулеттік талдауының 8 альбомын дайындады. Ауданның әлеуетін зерттеп, тұрғындарға сауалнама жүргізгеннен кейін көшелердің бірінде қоғамдық кеңістік орнату тұжырымдамасы ұсынылды. Әкімдік жоба сәулетшілерінің ұсынымдарын ескере отырып осы көшенің бір бөлігін ішінара абаттандырды.
Көбірек біліңіз
2017
Көршілер театры
Бастамашылар «Тастақ» ықшамауданындағы жаңа мәдениет алаңы айналасында қоғамдастық құруды, жоба аясында салынған сахнада әртүрлі іс-шаралар өткізуді және жергілікті тұрғындардың арасынан әуесқой театр тобын құруды мақсат етіп қойды. Жоба қазақ тіліндегі іс-шаралар бағдарламасы мен қоғамдық талқылаудың қамтылуымен өз жұмысын жалғастыруда.
Көбірек біліңіз
2017
3-ықшамаудан – суретшінің үйі
Бұл жоба суретші Сергей Калмыковтың шығармашылығына арналған «Данышпанның қаласы» науқанының бір бөлігі ретінде ойластырылған болатын. Әйгілі режиссер және продюсер Рүстем Бегенов Алматыда Калмыков тұрған ықшамаудандағы үйдің ауласында және қаланың басқа жерлерінде арт-орнатым құруды жоспарлады. Жоба бұл түрінде іске асырылған жоқ және кейіннен мультимедиялық театрлық спектакль нысанын қабылдады.
2017
Бау-бақша отырғыз
Жоба әртүрлі іс-шаралар мен жалпы күн тәртібін қалыптастыру арқылы қалалық бағбандардың – үй маңындағы аулаларды абаттандыратын жергілікті белсенді жеке адамдардың қоғамдастығын құруды ұсынды. Жоба олардың бытыраңқылығын еңсеру үшін алғашқы қадамдар жасауға мүмкіндік берді. Дәрістер, тақырыптық кездесулер, жәрмеңкелер, сондай-ақ қорытынды көшпелі көрмелер өткізілді.
Көбірек біліңіз
info@urbanforum.kz